المساعد الشخصي الرقمي

مشاهدة النسخة كاملة : تدري وش اللي يتعب البنت ياخوي (شعر رائع)


جهنيه وكلي فخر
10-08-2007, 03:41
تدري وش إللي يتعب البنت ياخوي...؟!
رجـلٍ يخـون أشواقـهـا و الـمــــــودة

إللي لا احتـاج الغـلا صـار نمـرود
وليـا شبـع ممـا عـطـاه إسـتـرده

البنت ريحانة غـلا ... ناعمـة عـود
تبـي لهـا رجـلٍ ورث طيـب جــده

رجلٍ فعولـة كلهـا جـود فـي جـود
مـا يلتفـت للـي كفوفـه تمـده ...!!

رجـلٍ إلا جـتـه الليـالـي بمنـقـود
يتكـى لهـا مـا بيـح الوقـت سـده

مهوب خبلٍ مـا رعـى للهوى عهـود
وادنـاة مـا عـارض طريقـه يـــــرده

ولاهوب لاعلـة ... ولاهـوب ملهـود
ولا شكـوك ... و كـلٍ طـارئٍ يحـــده

ما اشين من الرجـال لا جـاك ببـرود
وإن قال له تـرف القـدم شـي صـده

تبـي لهـا بـراق طيـبٍ لـه رعـود
إن اجدبـت يمطـر علـى ريـف خـده

وإن نادته تكفـى لقـت عنـده الفـود
يشيـل عزتهـا علـى قــو زنــــــــده

كفه نفل ... وانفاس صدره لهـا عـود
وظلالـه الضـافـي بيـدهـا تـمــــــــده

البنت خد ... وقـد ... ونواظـرٍ سـود
وريحة غلاً ... ياسعد مـن شـم نـده

البنـت إلا ضحكـت ثمرهـا لـك ورود
يا خوي مـن يقطـف نواويـر وردة

واللي يهين البنت ناقـص ... ومقـرود
فرس غـلا ... ماهـي حمـارة مكـدة:p

SALEH
10-08-2007, 05:29
.. ( نقل رائع وقصيدة جميلة ..



لكن القصيدة موجوده في القسم ...



يعطيك العافية على اجتهادك ..



سلام ،،