المساعد الشخصي الرقمي

مشاهدة النسخة كاملة : من قصاائد الامير خالد الفيصل


غالي الاثمان
28-08-2007, 03:39
غـــالي الأثـــمان - - رائعه لابو نــوره



يا غالـي الاثمـان غلّـوك بالحيـل 000 من يوم سَمّـو بـك جميـل المحيـا

شخص(ن) تمنيته على العدل و الميل 000 و الحمـد لله يـوم خـلّـي تهـيّـا

اشبهه بالّلي عسيف(ن) مـن الخيـل 000 تلعب وانا حبل الرّسَـن فـي يديّـا

أورق غرامه مثل غرس(ن) على سيل 000 مشهـاة قلبـي يـوم جالـي شهيّـا

أعن له عنَّـة هَـل الكيـف للهيـل000ما ذاق راعي الكيف انا ذقتـه هنيّـا

حبَّه سرَى بي سريـة الغيـم بالليـل000نسيـم ليلـه قـال للشـوق هـيّـا



نـــامــت عيــونــي - -


نامت عيوني ، على حسنك وشفتك حلم 000 يازاير الليل ،ليـل البارحـه عدنـي

متى تجيني ، مثل ماجيت حلـمٍ علـم 000 يازايـد القلـب خفقـه بالهوىزدنـي

ترى البخل من كريم الأصل مثلك ظلم 000 ياظالم اللـي يـوّدك ليـه تجهدنـي

سويت في قلبي اللي قد عطيتـك ثلـم 000 ياماخذ القلـب وتاخذنـي وتجحدنـي

ماهوب عند العرب وأهل الجماله سلم 000 إنـك بمـا تاخـذه منـي تهـددنـي

وكاد محدٍ تعـرّض للعيـون وسلـم 000 لاشك أنـا بالوفـا قلبـك معاهدنـي



قصيـدة عنود الصيــد - - ابو نــوره


من خصايص عنود الصيد كثر الطواري 000 وعادة الظبي يجفـل لاتحـرك ظلالـه

مايصيد الجوازي كود بخصٍ وضـاري 000 القنـص بالركـاده والتسـرع جهالـه

ولايعرف الطرد من لايعرف الصحاري 000 ماتعرّض سمـوم ولاتعـرض شمالـه

كلّ دربٍ عليه مـن المخاليـق سـاري 000 للسوالـف رجـال وللشكالـه رجالـه

وانت عشقة حياتي ياغـزال البـراري 000 أتفاول بوجهك سعد من صـرت فالـه

إنـت والله حبيبـي وإنـت والله داري 000 إن نظرة عيونك يـم غيـرك جمالـه

ماانقطع سيل حبك بالمعاليـق جـاري 000 كـنّ قلبـي خلقـه الله لحبـك سبالـه

ليلتي ياقمرها ..غـار منهـا نهـاري 000 حيث وصل المودّه همسـةٍ فـي ليالـه

جعل واهج غرامك مثل وجدي ونـاري 000 مير مااظن في دنيـا المحبـة عدالـه

SALEH
29-08-2007, 09:43
..( قصائد جداً رائعة ..!


تجبرك على قرائتها جميعها ...


يعطيك العافية ..


سلام ،،

نسيم الآهات
30-08-2007, 08:05
تسلم على القصايد

غالي الاثمان
01-09-2007, 01:41
الله يسلمكم وشاكر لكم مروركم وانشا الله الجاي احسن

**أحساس جده**
02-09-2007, 02:56
يعطيك العااااااااااااافيه اخوي

غالي الاثماااااااان

اسم على مسمي

بصراحه قصااااااااااااااائد مميزه

ورائعه

تقبل مروري

غالي الاثمان
05-09-2007, 01:09
مرورك زين الموضوع اخوي احساس يعطيك العافي على المرور