من بعد هاك العيد يوم انتعايد
من جديد أخوكم الشاعر / السيل وآمل أن تنال إعجاب الجميع
يابنـت خـاف الله بقلبـي ورديــه
رديه لـو هـو مابقـى لـه شرايـد
مانتي مرجعته مثـل يـوم أخذتيـه
لكـن رحمتـه مـن حيـاة الزهايـد
رديـه أبضمـه لصـدره وأواسيـه
وأكتب عذابه وأنشره فـي الجرايـد
وأقول بأعلى صوتي انـك جرحتيـه
غير الجـروح المرمسـات الجدايـد
وانك بنظرة مـن عيونـك سحرتيـه
وانه بعـد نظرتـك شـاف النكايـد
وانك علـى درب المهالـك رميتيـه
حتى بقـى بعـدك طريـح الوسايـد
وعن نسل أبونا آدم وحواء عزلتيـه
وصد النظر عـن زاهيـات القلايـد
لأنك ببـاه الحسـن فعـلا حكمتيـه
تحكيـم فكـر محكميـن القصـايـد
وأنا مالومه باهـي الحسـن مطغيـه
حسن يفوق الوصف وبوصف كايـد
يشل تفكيـري إليـا جبـت طاريـه
لأن الوصوف اللـي حواهـا فرايـد
عنق الغزيـل عنقهـا يـوم أحليـه
إليا استـذار وصـار للصيـد قايـد
والعين عين اللي على كـف راعيـه
من نجد مرسـول(ن) هديـه لزايـد
والخد بـراق عـذى الأرض يسقيـه
بعـد السنيـن الممحـلات الشدايـد
ومجدل(ن) يضفي على الردف كاسيه
عـن نابـي الأرداف جالـه زوايـد
ومبيسـم(ن) بإبهـام كفـك تغطيـه
يشبه حمـار اللـي وريثـه وقايـد
أوصاف منه وباقي الوصف ماأحصيه
سيد الوصوف اللي على الوصف سايد
ليته يرجع قلبـي اللـي رثـع فيـه
من بعد هـاك العيـد يـوم انتعايـد
طال انتظاره والوصل منـه يرجيـه
على الرجـا طالـت عليـه الوعايـد
ولا مثـل ماقلـت يابنـت هاتـيـه
قلب الغلا اللي مـن سبايبـك بايـد
ولا عليـه أرخـي جبينـك وضميـه
وحطي يدينـك بالغـلا لـه سنايـد
وحني عليه وسـط الأعيـان حطيـه
إن كـان باقـي للمغربـل شـرايـد
صفحة جديدة 2
