ما دام ناوي على الهجران = باب الهوى ليه دقيته
تدخل بحور الهوى عطشان = وتقول ليت الهوى ليته
تبادل الوصل بالهجران = والدمع عالخد عنيته
ربي عطاني وفاء وإحسان = قلبي على الصدق ربيته
وإنت عطاك نعمة النسيان = سرك على القلب سليته
نسيت إني أنا إنسان = حبك وإنت اللي ذليته
خليتني للشقاء عنوان =قلبي على نار خليته
حلفت بربي الرحمن = وأنذرت لله في بيته
ما عاد يسكن في قلبي إنسان = لبوي وأمي أنا أهديته