[~ مش مهم مُرتبك كام ولا محتاج ايه .. المهم يكون معاك نوكيا بكاميرا واحدث موديل ~]-
[~ مش مهم مُرتبك كام ولا محتاج ايه .. المهم يكون معاك نوكيا بكاميرا واحدث موديل ~]-
بدون مقدمات ..
فوزي : شفت النوكيا الجديد؟
محمد : إنت لسة ما بطلتش هوس الموبايلات يا فوزي؟ ماله النوكيا الجديد ؟
فوزي : ده غير أي موبايل تاني, ده تكنولوجي جديد خالص ده لما ينزل حيكون آخر موبايل أشتريه.
محمد : مانتا يا فوزي كل شهر تجيني تقوللي نفس البقين دول, و ما بتحرّمش,حرام عليك فلوسك اللي بترميها في الأرض يا فوزي..
فوزي : بس خش كده على نوكيا و انت حتغير رأيك, أيوه خش على (اللينك) ده..
مش قادر أصبر أكتر من كده, نفسي أفتح عين و أغمض عين الاقيه في إيدي, بص الجمال و المواصفات الخيالية
محمد : ما هو موبايل زي بقية الموبايلات , فيه إيه زيادة يعني ؟
فوزي: ركز بس ياحاج , ده بيستقبل خدمة البث الرقمي من الأقمار الصناعية, يعني حتشوف قنوات الدش على الموبايل في أي مكان صحراً كان أو بستان, إيه رأيك بقه؟ انبهرت المرة دي صح؟
محمد : الله يخرب بيت دماغك يا فوزي, كان يوم ما طلعتلوش شمس يوم ما عرفتك يا فوزي..
فوزي : ليه بس يا محمد إنت دايماً جايبلي إحباط كده, أنا غلطان إني عايز أنورك و أوريك حاجات عمرك ما حتقدّر قيمتها..
محمد : بص يا فوزي وريني صورة الموبايل اللي معاك دلوقت..
فوزي : يا عم ده راحت عليه, ده بقى من القرون الوسطى,موبايل معفن, بصراحة سقط من نظري بعد ما شفت النوكيا الجديد..
أهو اتفضل يا عم صورة الموديل بتاعي عايز منه إيه؟
محمد : مش هو ده اللي كنت واجع دماغي بيه من شهرين و فرحان بالجيل الثالث و الاتنين كاميرا؟
فوزي : ما خلاص الجديد مسحه
محمد : هي تكنولوجيا الجيل الثالث اشتغلت في مصر؟ يعني لو واحد عنده موبايل أبو كاميرا بروحين حتشوفه و يشوفك (لايف) على الهوا كده؟
فوزي : آه ياعم دي نزلت من ساعة ما إتصالات نزلت السوق وزيطتنا .. بس انت فلاح ايه الي حيعرفك بالتكنولجيا دي صحيح
محمد : يعني بتعمل إيه بالكاميرا التانية؟
فوزي : لا بعمل (شير) يعني ممكن عن طريق البلوتوث صاحبي يشوف اللي أنا بصوره في نفس اللحظة. عرفت بقي ياجاهل ؟
محمد : طيب إيه المتعة في كده؟
فوزي : بص يا عم الحج, واضح إنك جاهل و مالكش في التكنولوجي, بعدين يا أخي أنا بحب يكون معايا احدث حاجة
و ده في حد ذاته نوع من المتعة.. فيه ناس متعتها العربيات, و ناس مزاجها الكتب,
ناس بتحب تتشيك, و كده يعني كل واحد فيه حاجة بيحبها و بيعتبر الحصول عليها متعة في حد ذاتها..
محمد : ربنا يوفقك يا فوزي, و شكلك وصيت عليه من دبي و حيكون عندك قبل ما ينزل مصر مش كده؟
فوزي : طبعا أساسي , أنا مربط مع جمال يشتريه أول ما ينزل.
محمد : عارف إنت إيه يا فوزي؟
فوزي : خير.. مش طالبة قباحتك
محمد : إنت يا فوزي فرد نموذجي في المجتمع الإستهلاكي.
فوزي : آه جينا لكلام الشيوعيين و الحقد الطبقي.
محمد : إنت مش فاهمني يا فوزي.. الشركات اللي بتقدم سلع إستهلاكية , أهم ناس فيها, همه الناس اللي بيرسموا استراتيجيات الدخول إلى شيفرة نفسية المستهلك, يعني بالبلدي إزاي أخللي واحد زي فوزي يوصل لمرحلة يشعر فيها, إن اقتناء موبايل حديث و متطور هو احتياج حقيقي و ليس مزيفاً, الرغبة في امتلاك شيء قد لا تحتاجه, لكنه شيء يستطيع إبهار مناطق ما من متطلباتك الحسية و المعنوية, ده فن و علم يا فوزي..
فن سحب النقود من جيوبك يا فوزي..
فوزي: عمري ما فكرت بالمنطق ده كلامك معقول برضه
محمد : مانتا لو فكرت نوكيا حتفلًس يا فوزي !!!.
إنتهى.
صعبان عليا شباب (غلابة) في برّك يا مصر
بيحسدوا بعضهم علشان فلان موبايله أجدد وأغلي من علان..
و الموبايلات الغالية مهرها غالي..
أغلى من كل فلوس الدنيا..
حرام علشان حتة بلاستك بتتكلم,
ينخرس كل الكلام..
حرام تلخص (كيانك) في حتة بلاستك بتتكلم بيها ..
فوزي أقصى حاجة نقول عنه
مهووس
مُسرف
لاسع..
أو حتى ما نقلش حاجة هو حر في فلوسه..
بس إنت..
إنت يا شاب يا غلبان,
ياللي فاهم إن الموبايل واجهتك قدام صحابك,
حتدفع مهر الموبايل إزاي..
و لو دفعته (بالسكة إياها)
حتكون سعيد بلقب جديد حيتلزق على قفاك باقي العمر ؟
صفحة جديدة 2
[~ مش مهم مُرتبك كام ولا محتاج ايه .. المهم يكون معاك نوكيا بكاميرا واحدث موديل ~]-
20-12-2007, 03:19
تعليمات المشاركة
المواضيع المتشابهه
العرض العادي
