""""
لوخسرتك ماخسرت العمر.. والدنيــا متــاع
وادري اني لو خسرتك.. ماخسرت الا القليـل
بس فكر زين.. تعرف زين.. من خسر فينا وضاع
وتعرف... انك لــــو تلف الارض وتدور بديــل
والله ان تبطي.. ولو لفيت في كل البقـــاع
ولو تسوي وش تسوي ..ما انت لاقي لي مثيل
وين تلقى مثل شخصي شخص وطباعي طباع
ووين تلقى مثل قلبي قلب... او مثلي مثيل
البشـر واجــد نعــم.. لكــن فــرق الانطبـاع
يجعلك يمـي تميــل ..ويـم غيـري مـاتميـــل
يارفيقي انتبـــه.. واحسن الي الاستماع
للمواقف دور في كشف المزيف ولاصيـل
وانت ماقصـرت فيني ..موقفك جدا شجــــاع
طعنتـك في الظهــر.. فعلا كانت اثبات ودليـــل
بيـض الله وجهــك اللي سـاتره تحت القنــاع
ورايتك بيضا معاي...وياعسا عمـرك طويــل
يعني اعطيتـك ثقـــه... وتردهـا بلوي الــذراع
ياخـي ماشـاء الله عليـك..ابدعـت في رد الجميـل
مدري كيف اشكـرك.. مدري كيف ارد الصاع صاع
كنت احسب انك عـزيـز النفـس... تطلع لـي ذليــــل
كـــم وانـا عييت اصــدق فيـك قـدر المستطــاع
من غبـائــي كنت اسكـت..واعذرك واثر الحصيـل
(جــرح قلـب) ميزته كـل يوم الاتســـــــااع
ودمـــع عيني ينهمر من ضيقتـي في كـل ليــل
والله انــي كنـت احبـك حـب ..واتبعـــك اتبــاااع
كنت لجل ارضي غرورك.. بس اسووي المستحيــل
كنت اعمـى فيـك.. لا..لا..كنت ميت للنخــاااع
كنت مدري كيف؟؟لكـن.. كنت صادق معك حيــل
كنت اماارس في غراامي لك.. سيااسة الانصيـااع
وكنت لاغـي معك فكـرت.. اعتــزل او استقيــــل
اندفعــت بكـل مافينـــي.. وسـوء الاندفــااااع
يجبـر الانسـاان احيانا يفكـــر بالرحيــــل
صدمتــي فيــك انت.. خلتني افكـر باقتنـاع
ان قتل النفس راحـه..لــو انـا كنـت القتيـــل
انفجر رااسي من التفكير..... وازداد الصــــدااع
كيف انا بفتك من جرحــك..!؟ ومن دووشه(( قااال قيل))
صرت سيـره في حلووق النـااس... وتالي هالضيـاااع
انتحـــر؟!....معقـــوول.!....يالله وش هااذا الغليــل
رحمتك ياارب...لامن ضاااقت امنحني وســــااع
انت حسبــي في الزماان الجااير ونعــم الوكيــل
لاغدى مستقبلي والمااضي اطرااف النــزاااع
وصفحة الماااضي سوااد وشئ من هذاا القبيــل
فلازم انســى.. لجل انهي بداخلي هذا الصراااع
ولازم اتقــوى.. لجــل احقق النصــر الجليــل
وطالما ان الهجووم افضـل وسيلـه للدفــااع
مستحيل ارضخ ..لو ان الحمل ياربعي ثقيـــل
والبخيـل اللي نساني واشترى فيني وبــاع
يـذلف..الله لايـــرده..والله بجــرحي كفيــل
وان سأل عني وجاكم بعد فترة انقطاااع
علموووه اني نسيته.. بس انا ماني بخيل
طالما كان السبب في قوتي قبـل الــوداع
بلغووه اقل شئ بخالص الشكــر الجـزيــل
"""
29-03-2008, 12:39
ادري اني لو خسرتك.. ماخسرت الا القليـل
لهفة موادع 
العرض المتطور
