كلاشنكوف

@ ودّعتـــــــــك الله @
-----------------------------------------------------------------------

ودعتك الله لو على قلبي اخطيــــــت
وحاربتني من دون ذنب وخطيّــــــــه

احسبك تذكرني اذا اصبحت وامسيت
واثرك على فرقاي نفسك هنيّــــــه

الله واكبر كيـــــــــف عنّي تخليت؟!
من بعد ما علـّــقت روحـــي البريّـــه

وش غيّـــرك؟ وش بدّلك؟ ليه صدّيت؟
وانت الذي بالقلب نبض وهــويّـــــــه

من هو بقى لي بعدما عنّي اقفـيـت
وقـــدّمتني للحـــــزن اثمن هديّــــه

كل شي تخيـّـلتــه ولا يــوم ظنّـيت
انــك لحد غيـري ولاانته بــــــ ليّه

ويلك من الله كيف بالحب ضحّـيت
قلبك حجر !! ما حنّ يوم ٍ عليـــّـه

اللي بنينا بعمر في يــوم هدّيت
واحلامنا مــا عــاد منها بقيّـــه

اتعـــد غلطاتي اذا يـــوم زلّيـت
من دون مدري وين ذيك الحميّه

ما فيه معصوم الخطا لو تحريت
ولا فيه كاااامل غير رب البريّه

ولو مااحبك ما نشدتك ولا اطريت
بعــدك وصــدّك وانتخيتك نخيّه

ترجع لقلبٍ يوم بالعقـــل حبيت
وتترك هل الاحقاد واهل الوشيّه

خايف عليك وخايفٍ منك يا ليت
ما يوم حبيتك وصرت الضحّيــه

لا نيب حي ٍ بعد هجرك ولا ميت
ولاني مريض ٍ ينعرف بالشكيّه

لكني ادري بحالتي لا تردّيت
ولا ينفع الملتاع طبـّــه وكيّه

مالي سوى اللي كلما راح ناديت
يا كـــود يسمعني ويرجع اليّه!



؛؛ منقووووووووووووووول ؛؛


,, وداعة الله ,,