قلت السعودية وناض البرق وضاح الجبيـن
ودهت صقور يفري كبود العـدا مضرابهـا
قالوا ترابك طين قلنا لاحشـا ماهـو بطيـن
ياموطن التاريـخ والكعبـة وريـح اطيابهـا
اليوم هبت ريحـة الجنـة بـدرب الغانميـن
ليـه مـادام الشهـادة شرعـت لـي بابهـا
طفلة ولكـن مايزعزعنـي كـلام الخاينيـن
لابارك الله في الوجيـه الفاسـدة وارهابهـا
محمد الدرة هزم شـارون واهتـزت جنيـن
وموتي يهزم الحيه الرقطـا ويكسـر نابهـا
يمه عسى ربي على الفرقا يعين الصابريـن
ودعتـك الله يامدينـة ماتبـيـع احبابـهـا
يمه حمام الـدار لـو سـأل وجـدان ويـن
وغنـا وقـال الله عليهـا طولـت بغيابهـا
قولي لك الله مايموت الحق عنـد المسلميـن
مادام للسيفين والنخلـة وطـن يزهـى بهـا
ولامروا اطفال المدارس وامتلى صدرك حنين
تذكري المريـول والطفلـة وعطـر ثيابهـا
ضمي فساتينـي وقولـي للدفاتـر كلمتيـن
وجدان راحت وانكسر غصن وذبل باسبابهـا
يمه وقولي للوطن يمـه صبـاح الياسميـن
لجله نبيع الـروح يمـه مانحسـب حسابهـا
والشمس لاغابت ورا الغيمة وفاضت كل عين
تبقى وصيتها تـزف النـور وسـط كتابهـا
الريح تصرخ والجبـال الشـم يمـه ماتليـن
في ظل قادتنا هل العوجـا تهـون صعابهـا
يمـه وقولـي للسعوديـة بـلاد الآمنـيـن
أموت وأحيا وأندفن يمـه بحضـن ترابهـا
منقول
26-08-2007, 06:06
ابومحمد 
العرض العادي
