قصيدة خطيره .. لاتفوتكم

[كلاشنكوف]

قصيدة خطيره .. لاتفوتكم
--------------------------------------------------------------------------------

الايالله عفوك لامعي بيجر ولاجوال

أقدم لكم رائعة من روائع احد اركان الشعر النبطي

الشاعر (( سعيد بن مقبل الاكلبي ))

قصيدة مضحكة محزنة معجزة

اتمنى ان تحوز على إعجابكم

أترككم مع القصيدة







الا يالله عـفــوك لا مـعــي بـيـجــر ولا جــــوال
ولا عـنـدي وظـيـفـة والـتـجـارة فـاشــل فـيـهـا


ولا عنـدي شـهـادات(ن)ولا حـرفـة تسدالـحـال
ولا حــظ(ن) كبـيـرلا اخـطـت الـجــرة يقـديـهـا


مخابي الثوب تومي ما دخلهـا مـن زمـان ريـال
بـهـا فـاتــورة الـكـهـرب ولا يـمــدي نقضـيـهـا


على ذيـك العـراوي تتعـب الحـادي مـع الجمـال
ثـلاث شهـور فـي الورشـة وشهـريـنٍ مغطيـهـا


ابيهـا لــو تجـمـل يــوم واجلبـهـا عـلـى الــدلال
يجيـهـا واحــدن حـظـه مـثـل حـظـي ويشريـهـا


نصـيـت العسكـريـة يــوم قـالـوا للنـظـام رجــال
وقدمت الملف وصورت(ن) متشخص(ن) فيهـا


وخـذا لاوراق منـي واحـد مــا عـنـد ابــوه دلال
سلـوم النـاس واهـل المعرفـة والطيـب مخطيهـا


قراها فـي دقيقـة والتفـت عجـل(ن) علـي وقـال
شهادتـك العظيـمـة يـاولـد ويــن انــت مخفيـهـا


اهـز الـراس ماعنـدي تقـول انــي مــن البـقـال
وقـمـت احــب خشـمـه واطـلـبـه بالله يمشـيـهـا


حذفهـا مـن يـده شيـن الطبيعـة والنـبـا والـفـال
وقــال ازيــن تـعـود صــوب نوقـاتـك تعشـيـهـا


تناوشتـه مـن الكرسـي وعفـت الحـل والترحـال
وضربـتـه بالبيـالـه عـقـب مابـيـحـت شاهـيـهـا


وخذونـي للسـجـن لانـيـب لا ظـالـم ولا محـتـال
مجـرد واحــد(ن) جــا يكـحـل عيـونـه فيعميـهـا


ويوم اني خرجت اقفيت لارض الله وسيع الجال
عـلـى بــر(ن) هــواه يــداوي العـلـة ويبـريـهـا


ادور قصعـة الجربـوع والـضـب الفـتـى يحـتـال
والارنــب يـــا شـفــاة الله مـحـلاهـا وطـاريـهـا


بـلا كـهـرب ولا بيـجـر ولا غــاز(ن) ولا نـقـال
قوانـيـن الحـضـارة لاتـبـي شـوفــي ولا ابـيـهـا






وصــح الــســـان شــــاعـــــرهــــا

[عافك الخاطر]

على ذيـك العـراوي تتعـب الحـادي مـع الجمـال
ثـلاث شهـور فـي الورشـة وشهـريـنٍ مغطيـهـا

روعه صح لسانك
ولسان شاعرها

[القبساني]

: : : : : :

: : : :

: : :

الله يعطيك العافيه على القصيدهـ الرائعهـ

سلمت يمناك

[الزول]

مشكور على الكصيده فالك البيرق

[كلاشنكوف]

مشكورين على المرور